صوت المواطن

إلى شركات ” الاتصالات ” : حي الفاروق الشمالية خارج خدمة ” الألياف البصرية “

من أحد ساكني حي الفاروق الشمالية إلى المسؤولين في شركات الاتصالات :

السلام عليكم ورحمة الله وبركاته وبعد.

حي الفاروق الشماليه في الجبيل (الصناعية)

صارله اكثر من 5 سنوات ونحن الان مقبلين على السنه السادسه (وتعليم عن بعد) الاتصال فيه اسوء م يكون حرفياً سيئ جداً والحي مليئ بالسكان والعوائل  ولا توجد به تغطيه للألياف البصرية وشبكه 4G

الاخضر كله مغطى ب الالياف البصرية الا هذا الحي من 5 سنين! وش العمل! وين نروح مين نكلم؟

الدنيا كلها مغطاه الا ذا الحي على ذا الحال5 سنين
من مشاكل هذا الحي ايضا انه الكباين الموجوده الكترونيه ADSL الي جاي  ورا الكبينه كيبل الياف (لكن) الخارج منها كيبل (نحاسي) والسرعه لا تتعدى 20 ميقا ومع ضغط السكان في هذا الحي السرعه غير كامله  وتتذبذب وايضاً ابلود 1 ميقا والي يجي 0.80 بسبب ضعف الكبينه.  وايضاً حاب اشرح انه الهيئة الملكيه قد سوت توقيع مع STC وغطوا 80% من الجبيل الصناعية واخرها جلموده في 2015 وتم تجاهل هذا الحي المصيبه انه بنفس السنه الي تم عمل تغطيه فيها ل جلموده حي الفاروق الشماليه بدت عملية السكن فيه ووضعوا له كباين لكنها كباين ADSL بطيئة ولم يضعوا على الاقل تقنيه احدث مثل ال  VDSL  الي تدعم 40 ميقا و 10 ميقا ابلود.
وايضاً بالرغم انه حوالين الحي تتواجد الالياف البصريه والبنيه التحتيه الخاصه للهيئة الملكية سهله وجاهزه ومفروض تيسر عملية التغطيه ل هذا الحي لم يتم العمل على اي شي.
ومن مشاكل هذا الحي ايضاً ضعف الشبكه (داخل المنازل) ومافي ولا برج في هذا الحي كلها بعيده في الاحياء التي تتواجد فيها الالياف البصريه الخضراء في الخريطه!
________________
المواطن : حمد الدوسري

‫18 تعليقات

  1. صدقت.. وازيدك بعد انه تمت ترقية اشتراكي لسرعة ٤٠ ميغا.. مع عقد التزام لمدة سنة بفاتورة ٢٥٠ والسرعة ماتوصل ٢٠ ولما كلمتهم قالوا لي انه السرعة في الحي ماتزيد عن ٢٠ ميغا.
    طيب كيف تعطوني خدمة وعقد العزام لسرعة غير مدعومة.. للاسف رفعت اكثر من شكوى لكن مليت بدون اي فايدة

    1. م ادري كيف رفعوا اشتراكك الى 40 ميقا والكبينه م تدعم الا 20 ميقا فقط لأنها DSL وليست VDSL ال VDSL هي ال تدعم 40 ميقا و 10 ميقا ابلود كما ذكر فوق وال DSL حده 20 تحميل و 1 ميقا رفع ولاتجي كامله ولا تناسب التقدم التقني الي قاعد يصير.
      بس ابشروا باذن الله نقدر نسوي شي عليكم بس رتويت ل تغريده صحيفه الجبيل بخصوص حي الفاروق ونشرها قدر الأمكان بين موظفين صداره وسكان الجبيل

  2. شكراً صحيفة الجبيل اليوم على نشر صوت المواطن بخصوص الانترنت في هذا الحي.
    أنا من اوائل سكان هذا الحي وللأسف حتى الآن الانترنت ضعيف جداً. المشكلة الكبرى الآن مع وضع الطلاب والطالبات بخصوص التعليم عن بعد والحاجة إلى انترنت سريع وخالي من المشاكل.
    اتمنى من إيجاد حل سريع

    1. تواصلت مع الهيئة الملكيه وجاني طرف علم انه في مشاكل م بين STC والهيئة الملكية التزامات او فلوس م ادري بس المواطن هو الي ماكلها وانتهينا ب اني اتوجه الى محافظه الجبيل وارفع شكوى للمشكله بس اني م اقدر م معي موتر وبحاول قريب اروح واطرح حي المطرفيه مع الفاروق

      بس عندي سؤال كم عمر الحي؟؟ انا ساكن من 2015

  3. باقي اقل من 5 شهور ونكمل 6 سنوات في هذا الحي بدون الياف بصرية وبدون ابراج موجوده في الحي واطفالنا مراح يقدرون يدرسون عن بعد بدون مشاكل

  4. شكرا صحيفة الجبيل للاسف الكلام صحيح والأتصال سيئ في حي الفاروق الشماليه بيوت موظفين صداره

  5. انا ايضا من اوائل سكان هذا الحي وصدق دخلنا +5 سنوات والنت سيئ نطالب من STC او الهيئة الملكية بتوفير حل عندنا اطفال يحتاجون نت كويس للدراسه عن بعد

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق

Notice: ob_end_flush(): failed to send buffer of zlib output compression (0) in /home/aljubailtodaycom/public_html/wp-includes/functions.php on line 4609